Iruua:-- nî njiarano ya ituîka na ituîka rîa andû atatû kuuma irûngo rîrîa marûge rîu rîngî, nî rîmwe rîa magongona marîa mûgwanja ma mwana wa kahîî Atuîki nî Aya

Nyina wa mwana...atuîke kuuma kang'ei atuîke karegeire

Ithe wa mwana Atuîke kuuma Kamatimû na atuîke Kîambi kîa ûgotho

Mwana atuîke kuuma Kîhîî atuîke mwanake

Mîahû îyo yoothe gûtirî I mûndû ûtarî kîrîra kîa irûngo rîu ararûga.

Ûkang'ei ûteo na kwenjwo kîrîîa..na uume ndûrûme ya kîrîîa na mwatî wa mûteng'ûko (mûnyaka)

Ûhîî ûteo na ngonde ûtemi wa thaano o hamwe na ûtemi wa themithû, wahonirie ndûgîra arua no akoma, Kûruua nî kûhiû na nî kwaara ita-ra

Kamatimû ûteo na kwambîrwo ûgongoni na uume mbûri ya mwana kamatimû aume mûranja atuîke karabaî, okorwo mwana waku nî mwangi ûhake a mwangi nîguo metîkîre gwîtanagaî wakinî na mwanake ûcio ona arî o mûnyinyi amu thundo ya kahîî ti ya mûrigono na rûûru rwa rûciû rwambagwo nî njaû cia ûmûthî

Hihi we ûrorete kûruithia kahîî nî wîharîirie gûkinyûkia????

Thaai na thaayu